Kjo është arsyeja pse nuk u ftua Sadiku për sfidën me Realin

0

Sadiku nuk figuron në listën e lojtarëve të ftuar për sfidën që Levante e zhvillon me Realin dhe arsyeja sipas MARCA-s duhet të jetë forma e shqiptarit.

Sulmuesi i Kombëtares shqiptare, Armando Sadiku, nuk është ftuar nga trajneri Juan Muniz për sfidën që Levante e zhvillon sonte në kuadër të xhiros së 22’të në La Liga kundër Real Madridit, shkruan Gazeta Express.

“Jam 100 % gati për të luajtur”, ishin fjalët e sulmuesit shqiptar pas prezantimit gjatë ditës së djeshme.

Por, kështu nuk mendoi trajneri i Levantes, që e ka lënë në shtëpi sulmuesin që u transferua në Spanjë nga Legia Varshavës dhe që ka firmosur një kontratë deri në qershor të vitit 2020.

“Sulmuesi shqiptar, Armando Sadiku, duhet të presë për shansin e tij ashtu si edhe Fahad e Rochina, pasi nuk janë në formën më të mirë”, shkruan MARCA.

Sadiku duhet të stërvitet shumë këto ditë për të bërë debutimin javën e ardhshme, me 11 shkurt në Mestalla kundër Valencias. /Gazeta Express/

Comments

comments